NBI, SUSURIIN DIN ANG SALN NI DAVAO CITY CONG. PAOLO DUTERTE

Susuriin din ng National Bureau of Investigation (NBI) ang Statements of Assets, Liabilities and Net Worth (SALN) ni Davao City First District Rep. Paolo Duterte.

Inihayag ito ni NBI Director Melvin Matibag sa press conference, matapos banggitin na ang mansion na malapit sa resort sa Samal Island sa Davao City ay pag-aari umano ng mambabatas.

Una nang itinanggi ni Duterte na mayroon itong property sa Samal Island.

Sinabi ni Matibag na wala pang Transfer Certificate of Title ang property kaya marahil ay maaari pa itong itanggi.

Noong Martes ay ni-refer ng NBI sa Office of the Ombudsman ang kanilang findings sa umano’y discrepancy sa SALN ng kapatid ng kongresista na si Vice President Sara Duterte.

Saklaw ng referral ang fact-finding investigation ng bureau sa SALN ni VP Sara simula 2024 hanggang 2025, na partikular na tumukoy sa 22 land titles para sa 14 properties na nakadeklara sa kanyang SALN.

The post NBI, SUSURIIN DIN ANG SALN NI DAVAO CITY CONG. PAOLO DUTERTE appeared first on dzme1530.ph .