‘Komunikado no korekto no a sali for di Aqualectra’

WILLEMSTAD.- Aqualectra djaweps atardi, dia 15 di òktober, a kompartí un anunsio riba su retnan sosial relashoná ku un komunikado ku ta bai rònt. Den e anunsio ta skirbi ku Aqualectra a tuma nota di un komunikado ku ta bai rònt kaminda ta duna informashon tokante un maneho temporal di ‘schakel’. Den e komunikado ta indiká fecha di inisio pa e maneho aki komo djabièrnè, 17 di òktober, ‘aunke mañan djabièrnè lo ta 16 di òktober’.

Aqualectra ta skirbi: ‘Por fabor tuma nota ku e informashon NO a Sali for di Aqualectra. Tur informashon ofisial ku Aqualectra kompartí, ta disponibel riba nos página di Facebook. Di e manera aki, semper bo por verifiká si e informashon ku bo a risibí ta verídiko.’

The post ‘Komunikado no korekto no a sali for di Aqualectra’ appeared first on èxtra .