Carmelle ‘Sobra-Sobra’ dala sa Eurovision Asia

Pangmalakasang boses, galing sa pag-rap at instrumentong Pinoy. Ito ang bitbit ng ABS-CBN artist na si Carmelle sa “Eurovision Song Contest Asia 2026,” kung saan kakatawanin niya ang Pilipinas sa Bangkok, Thailand sa Nobyembre 14.

Nasa likod ng pambatong kanta ng bansa na “Sobra-Sobra” sina Mat Olavides at Nica del Rosario, mga manunulat sa likod ng OPM hits mula sa BINI at kay Sarah Geronimo.

Para sa kanila, malaking pagkakataon ang kompetisyon para ibida sa Asya ang iba’t ibang tunog at talentong Pilipino.

“I hope Carmelle’s journey can show the rest of the world that world-class Filipino talent comes in all shapes and sizes. We are not limited to one sound nor one kind of performer, and I hope Carmelle and ‘Sobra-Sobra’ is a testament to that,” sabi ni Nica, isa sa mga sumulat ng mga awiting “Huwag Muna Tayong Umuwi,” “Karera” ng BINI at “Tala” ni Sarah Geronimo.

Naniniwala silang maisasakatapuran ito sa pamamagitan ng “Sobra-Sobra,” na may dalang mensahe ng tiwala at pagpapahalaga sa sarili tampok ang pinaghalong impluwensiya sa musika.

“May Filipino elements like kulintang and kubing, but we also incorporated Latin influences. I think that combination reflects how Filipino music has always been shaped by different cultures while still developing its own identity,” kwento ni Mat, na nagsilbing co-writer ng “Salamin, Salamin” at co-producer ng “Pantropiko.”

Positibo rin ang composers na maaabot ng kanta ang mga tagapakinig kahit pa hindi sila nakakaunawa o nakakapagsalita ng Filipino.

“It’s about knowing your worth, being confident in who you are, and not letting other people define you. Kahit iba-iba ang language and culture natin, I think those are emotions and experiences that many people can relate to,” paliwanag ni Mat.

“The energy of the song also makes it fun and easy to connect with, even if you don’t understand every word,” dagdag pa niya.

Para kay Nica, tatagos din ang mensahe ng kanta sa mga kababaihan na mula sa labas ng bansa.

“‘Sobra-Sobra’ is a song that can empower women all over Asia. I believe that all women go through a lot of the same struggles despite race and culture,” aniya.

Pagsasama-samahin ang mga elementong ito ni Carmelle, na may boses at istilo ng pag-awit na magbibigay karakter sa pambato ng Pilipinas.

“Her distinct high and powerful belt and her rapid-fire rapping are also performance elements that are very Filipino that we hope the Asian audience can appreciate,” sabi ni Nica.

Nasungkit nga ni Carmelle ang pagkakataong maging kinatawan ng bansa sa kauna-unahang Eurovision Asia pagkatapos talunin ang siyam na iba pang contender sa Philippine Selection Night noong Agosto 30. Lalabanan niya ang mga pambato ng Bangladesh, Bhutan, Cambodia, Laos, Malaysia, Mongolia, Nepal, South Korea, Thailand at Vietnam.

Ang ABS-CBN ang opisyal na broadcast partner ng patimpalak sa Pilipinas.

Abangan ang “Sobra-Sobra” performance ni Carmelle sa “Eurovision Song Contest Asia 2026” sa Nob. 14 sa iba’t ibang ABS-CBN platforms.

The post Carmelle ‘Sobra-Sobra’ dala sa Eurovision Asia appeared first on Journal News Online .