Ikipe ya Sunrise FC inganyije na Gasogi United

Kuri uyu wa Gatatu, Shampiyona y’u Rwanda ya Rwanda Premier League yakomezaga aho ikipe ya Sunrise FC y’i Nyagatare yari yakiriye ikipe ya Gasogi United mu mukino w’umunsi wa kabiri wa shampiyona.

Ku mpande zombi umukino urangiye amakipe yombi anganya igitego 1-1 maze bituma agabana amanota.

Ikipe ya Sunrise yatangiye neza kuko ku munota wa 10 gusa yari yamaze gufungura amazamu ku gitego cyatsinzwe na Henry Kitegenyi kiza kwishyurwa na Jean Willy igice cya kabiri kigitangira ku munota wa 46 w’umukino.

Uyu mukino usize ikipe ya Sunrise ku rutonde rw’agateganyo rwa Rwanda Premier league 2026-2027 ku mwanya wa Kane n’amanota 6, mu mikino igera kuri ine imaze gukina.

Ikipe ya Gasogi United uyu munsi uyisize ku mwanya wa 8 n’amanota 4 mu mikino itatu imaze gukina.

Aya makipe yombi azakomeza urugendo rwo guhanganira igikombe cya shampiyona muri wikendi aho ku wa Gatandatu tariki ya 17 ikipe ya Sunrise izaba yasuye ikipe y’ Amagaju naho ikipe ya Gasogi izaba yakiriye ikipe ya Bugesera FC ku Cyumweru tariki ya 18 Ukwakira.

Kuri ubu urutonde rw’agateganyo rwa shampiyona ya Rwanda Premier league ruyobowe n’ikipe ya Gicumbi FC n’amanota 9.