គ្រូ Shanghai ចាត់ទុកស្វាយរៀង គឺជាក្រុមខ្លាំង ពិសេសការប្រជែងកាយសម្បទា ការដាក់សម្ពាធ ល្បឿនលឿន និងការវាយបកដ៏មានគុណភាព
លោក Vladan Milojevic គ្រូបង្វឹកក្រុម Shanghai Shenhua FC បានចាត់ទុកព្រះខ័នរាជស្វាយរៀង គឺជាក្រុមខ្លាំង ពិសេសការប្រជែងកាយសម្បទាខ្លាំង ការដាក់សម្ពាធខ្លាំង ល្បឿនលឿន និងការវាយបកដ៏មានគុណភាព។ ដូច្នេះការប្រកួតនារាត្រីនេះ គឺជាជំនួបដ៏សំខាន់ ដែលក្រុមលោកបានផ្ដោតខ្លាំង ដើម្បីធ្វើយ៉ាងណាប្រកួតប្រជែង និងស្វែងរកលទ្ធផលល្អត្រឡប់ទៅផ្ទះវិញ ទោះបីក្រុមលោកមិនសូវមានពេលវេលាសម្រាកគ្រប់គ្រាន់ ក៏ដូចជាត្រូវលេងចំពោះមុខអ្នកគាំទ្រកម្ពុជាដ៏ច្រើនយ៉ាងណាក៏ដោយ។
ជាចុងក្រោយលោក Vladan Milojevic បានសម្ដែងការភ្ញាក់ផ្អើលចំពោះពហុកីឡដ្ឋានជាតិមរតកតេជោរបស់កម្ពុជា ពេលជួបក្រុមម្ចាស់ផ្ទះព្រះខ័នរាជស្វាយរៀង នាវេលាម៉ោង ៧៖១៥នាទីយប់ នេះ នៅក្នុងការប្រកួតជើងឯកក្លិបបាល់ទាត់លំដាប់ទី២ ប្រចាំទ្វីបអាស៊ី AFC Champions League Two (ACL2) 2026/27 ពូល G។
សូមជម្រាបថា ក្រុម Shanghai Shenhua FC កំពុងមាន ៣ពិន្ទុក្នុងដៃ បន្ទាប់ពីយកឈ្នះក្រុម Tampines Rovers របស់សិង្ហបុរី ២-១ កាលពីថ្មីៗ ខណៈ ក្រុមម្ចាស់ផ្ទះព្រះខ័នរាជស្វាយរៀងមិនទាន់មានពិន្ទុក្នុងពូលនៅឡើយទេបន្ទាប់ពីប្រកួតបើកឆាកទី១ ចាញ់ក្រុមជប៉ុន Machida ដោយលទ្ធផល ២-០ ៕
The post គ្រូ Shanghai ចាត់ទុកស្វាយរៀង គឺជាក្រុមខ្លាំង ពិសេសការប្រជែងកាយសម្បទា ការដាក់សម្ពាធ ល្បឿនលឿន និងការវាយបកដ៏មានគុណភាព appeared first on Phnom Penh Thmey .
The full article is being collected. Available text is shown for now.