မေလင်းနောင် - လီလီဆောင်း
Art- Aung Htet
လီလီဆောင်း
မေလင်းနောင်
(မိုးမခ) အောက်တိုဘာ ၂၀၂၆
ငယ်ငယ်ကတော့ သွေးကြီးဖူးတယ်
အခုတော့ သွေတိုးမှာကို သတိထားနေရတာ။
ရိုးရိုးဖြောင့်ဖြောင့် လမ်းကိုရှာတော့
အပြုံးတွေကလည်း မြှုံးတွေကြီးပဲ။
ဝေးလိုက ဝေးပါစေလို့သဘောထားခဲ့သူမို့
ကိုယ့်အရပ်မှာ မရွာတဲ့မိုးကို
ဘာရိုးမယ်မှ မဖွဲ့ရက်တော့ပါဘူး။
အိပ်မပျော်တဲ့ လက်ဖက်ပင်တွေ
နှလုံးတုန်ချည့်ပြီး မျက်စိကြောင်နေကြပြီထင်ရဲ့။
မေ့ကွက်ကိုရှာတော့ရှာခဲ့တာပါပဲ
ဒီဖလင်မှာက
တစ်ဘဝလုံးစာ ဒီရုပ်ရှင်ပဲပြစရာရှိသူမို့လား။
ဆောင်းမှာပွင့်တဲ့ပန်းတွေလို
ငြိမ်းချင်စေချင်တာကတော့
လုံးဝ(လုံးဝ)ကဗျာမဟုတ်ဘူးစေတနာ။ ။ ။
-
Join Us @ MoeMaKa Telegram
t.me@moemaka
Please show your support, donate with Zelle
Zelle to moemaka.org@gmail.com "MoeMaKa Multimedia"
Like and Subscribe MoeMaKa YouTube Channel
youtube.com/@moemaka
Like us on MoemaKa Facebook
Follow us on X
X.com/MoeMaKa
#MoeMaKaMedia
#WhatsHappeningInMyanmar
